衝呀！衝呀！

今天到醫院覆診，預約時間 是上午10:30，過程如下：

9:50 到達醫院，排隊坐電梯上8樓

10:10 見醫生，取藥單，排隊坐電梯回1樓取針取藥，先排隊俾錢，再取藥

10:43 取到針，還取埋其他的藥，排隊坐電梯回8樓打針

10:55 上到8 樓，以為又要排隊打針，點知我係第1個。打完針，走得！好嘢，可以返教堂練詩！

排隊、排隊、排隊，祇一小時五分鐘已完成整個覆診過程，現在政府醫院的效率真係高到嚇死你！

我問陪我覆診的教女，好趕啊是嗎？她說：唔係吖！這可能就是退休人仕和在職人土在感覺上的分別吧！

災難性的黑雨後，覆診者大量滯後，醫生祇係俾咗幾分鐘我。上次覆診時醫生問我打唔打骨針，唔多想囉！佢叫我今天問主診醫生。今早主診醫生一開聲就話：要打骨針，下次覆診會安排😔。想問吓詳情，why, when, how, 醫生好趕時間，唔答我問題😟，話下次至講我知！成個過程好Cool！

補充：我主診醫生一向好好人，好細心，好有愛心！

又要做多樣治療，唔多開心囉，算啦，順服醫生，順服上帝！

骨針八星期打一次，希望時間可以安排得好一點，不會阻礙我的學習和事奉。求主允准！🙏🏻🙏🏻🙏🏻 倘若一切不如我意，我也堅信人的限制不會阻礙主的工作，繼續學習順服！主必與我們同行！